काठमाडौं । काठमाडौंमा आज विभिन्न आठवटा अस्पतालबाट कोभिड–१९ विरुद्धको खोप दिइँदै छ । स्वास्थ्य कार्यालय काठमाडौंका अनुसार आज भेरोसेल, अस्ट्राजेनेका र जोन्सन एन्ड जोन्सनको पहिलो र दोस्रो डोज दिइँदै छ ।

स्वास्थ्य कार्यालय काठमाडौंका प्रमुख बद्रीबहादुर खड्काका अनुसार प्रहरी अस्पताल महाराजगन्ज र सैनिक अस्पताल छाउनीबाट जोन्सन एन्ड जोन्सन, भेरोसेल र अस्ट्राजेनिका खोपको पहिलो तथा दोस्रो दुवै डोज दिइँदै छ ।

त्यसैगरी, समाखुसीस्थित राधास्वामी आइसोलेसन सेन्टर, वीर अस्पताल, परोपकार प्रसूतिगृह, त्रिवि शिक्षण अस्पताल, सशस्त्र प्रहरी अस्पताल र निजामती अस्पतालमा अस्ट्राजेनिका खोपको पहिलो डोज दिइँदै छ ।