_{काठमाडौं/ २१ फागुन, सत्ता गठबन्धनमा रहेका चार प्रमुख राजनीतिक दलहरूबीच आठ बुँदे सहमति भएको छ । नेकपा (एमाले), नेकपा (माओवादी केन्द्र), राष्ट्रिय स्वतन्त्र पार्टी र जनता समाजवादी पार्टी, नेपालबीच गठबन्धन सरकार सञ्चालन गर्ने तथा शान्ति प्रक्रियाका बाँकी काम टुङ्गोमा पुर्‍याउने बिषयमा आठ बुँदे सहमति भएको हाे।}

_{उक्त चारवटै दलहरूका शीर्ष नेताहरूले हस्ताक्षर गरेको सहमति पत्रमा पुष्पकमल दाहाल "प्रचण्ड" नेतृत्वको नयाँ संयुक्त सरकार गठन गरिने उल्लेख छ। मन्त्रालय बाँडफाँट दलहरूबीचको सहमतिअनुसार हुनेछ।}

 

_{सहमति पत्रमा सङ्घीयता कार्यान्वयनसम्बन्धी बाँकी कानुनहरू निर्माण गर्ने, सङ्क्रमणकालीन न्याय र शान्ति प्रक्रियालाई अघि बढाउने लगायतका विषयहरू समेटिएका छन्। साथै, राष्ट्रिय स्वाधिनता, सार्वभौमसत्ता, भौगोलिक अखण्डता र समाजवादउन्मुख विकासका लागि प्रतिबद्धता जनाइएको छ।}

_{यो सहमतिले देशमा राजनैतिक स्थिरता र विकासको माग अगाडि बढाएको हुनाले यसले महत्वपूर्ण भूमिका खेल्ने विश्वास गरिएको छ।}