nrb
maha

जित स्वया मिखा भाय् याना म्युजिक भिडियोया पितब्वज्या

Swoniga Online – सुरेन्द्रभक्त श्रेष्ठ | २०७८ फाल्गुण २०, शुक्रबार वर्गीकृत कला

नेपाःया नांजाम्ह पौभा च्वमि साहित्यकार प्रेममान चित्रकारं च्वयादीगु “जित स्वया मिखा भाय् याना“ म्येया म्युजिक भिडियोया पितब्वज्या छगू ज्याझ्वःया दथुइ जुगु दु।

यल महानगर वडा १६ या वडा अध्यक्ष निर्मलरत्न शाक्य छगू ज्याझ्वःया दथुइ उगु म्युजिक भिडियोया उलेज्या यानादीगु खः।

मदुम्ह स्रष्टा प्रेममान चित्रकारं थौंसिबें झिंन्यादँ न्ह्यः च्वया रेकर्ड यानादीगु थुगु म्ये थौंकन्हेया नांजाम्ह संगीतकःमि जिवित जल्मीं लसय् हनादीगु खःसा वयकलं हे एरेन्ज नं यानादीगु खःसा समा पूजाबिकल शाही, छायांकन÷सम्पादन  बाबुकाजी जल्मी “बिके जल्मी“ याना दीगु खः। जुजुकाजि रन्जित व संगीता शाक्यं म्ये हालादीगु खः।

शोभा महर्जनया सभाध्यक्षय् जुगु उगु ज्याझ्वः भिक्षु तपस्वीधम्म महास्थविर भन्ते पाखें पवित्रं परित्राण पाठ याना शुरु याःगु खः । ज्याझ्वलय् उगु म्युजिक भिडियोया निर्देशक रामकृष्ण खडगीं लसकुस न्वचु तयेगु झ्वलय् म्युजिक भिडयो निर्माणयात कया छुं छुं खँ कुलादिल । अथेहे, बरिष्ठ सिनेपत्रकार विजयरत्न असंबरें म्येयात कया समिक्षा यानादिगु खः।

ज्याझ्वलय् संगीतकार जिवित जल्मी, म्येहालामि जुजुकाजि रन्जित, स्वर्गिय प्रेममान चित्रकारया जहान विद्या चित्रकार, पाहाँ सुरेन्द्र तुलाधर व मूपाहाँ निर्मलरत्न शाक्यपिन्सं मदुम्ह चित्रकारं च्वयादीगु “जित स्वया मिखा भाय् याना“ म्येया बारे थःथःगु नुगःखँ तयादीगु खः।

Detail page ad