नेवाः पत्रकार राष्ट्रिय दबू मिसा विभागया ग्वसालय् ११२ क्वगु अन्तर्राष्ट्रिय नारी दिवसया लसताय् तःजिक हःगु दु।

“सन्चार जगतय् मिस्त“ विषय छगु अन्तरक्रियायासे स्वम्ह पत्रकारपिन्त सम्मान याउगु खः। येँ महानपालिकाया मेयर बिद्यासुन्दर शाक्य व उपमेयर हरिप्रभा खड्गी श्रेष्ठं छगु ज्याझ्वः दथुइ पत्रकारपि मन्जु बज्राचार्य, पुर्णिमा शाक्य व अनिता गुरुङपिन्त सम्मान यानादीगु खः।

सन्चार जगतय् उगु ज्याझ्वलय् येँ महानगरया मेयर शाक्यं आः याउगु ब्यवस्थां मिसापिन्त आरक्षणबिया पालिका स्तय् यक्को मिसापि उप्र प्रमुख व दुजःपि थ्यःगु दु। लिपा देय्या प्रमुख पदय् न याउक थ्यनिइगु भलसा कयादीगु खः।

अथेहे उप मेयर खड्गी श्रेष्ठं देशय् राजनैतिक ह्यूपाः हयेगु निति तक मिसापिनिगु भुमिका यक्को दु धयादिसे वयकलं वहे कारणं थौं मिसापि देय् या थीथी पदय् प्रमुख पदय् मिसापि थ्यंगु दु धका धयादीगु खः।

“सन्चार जगतय् मिस्त“ बिषय वरिष्ठ पत्रकार सुभेच्छा बिन्दुं न्ववानादीगु खः। ज्याझ्वःया कजि रचना श्रेष्ठया सभाध्यक्षताय् जुगु उगु ज्याझ्वलय नेपाल पत्रकार महासंघया न्वकु बाला अधिकारी, मधेशी पत्रकार समाजया नायः मोहन सिंह व दबूया केन्द्रिय अध्यक्ष सुरजबीर बज्राचार्यपिन्स पत्रकार ख्यलय् मिसा पत्रकारपिनिगु भुमिका बिषय न्ववानादीगु खः।

दबूया सहसचिव प्रेरणा शाक्यं लसकुस यानादीगु उगु ज्याझ्वलय् सल्लाहकारपिं रमेश काजी स्थापित, विजयरत्न असंबरे व किरण शाक्यपिनिगु न उपस्थिति दुगु खः।